شفتوا روعة نجوم مصر

ده احلى كلام اتكتب على نحومنا العظام....ابطال مصر قلت اجيبهولكم تشوفوه....



شفتوا روعة نجوم مصر
راحوا غانا ورجعوا بالنصر
الناس خرجت فرحانة في الشارع
وسهروا لحد تاني يوم العصر----------------------------------------------
نبدأ بالسد العالي عصام الحضري
عقّد دروجبا وقال عليه ده قدري
بقى معشوق كل الجماهير
المهندس والدكتور والفكهاني والخضري
----------------------------------------------
وصمام الامان وائل جمعة
بيلعب برجولة وأداؤه متعة
مع الأهلي سطر تاريخه
وفي المنتخب عمل لنفسه سمعه
----------------------------------------------
وجنبه الراجل الخبرة شادي
مساك جامد لاعيب مش عادي
بيأمن دفاعنا بأداء بطولي
وبطمن لما باشوفه قصادي
----------------------------------------------
والصاعد الواعد محمود فتح الله
بيعمل اللي عليه والباقي على الله
أشاد بأدائه كل النقاد
المستكاوي وحجازي وهليل وجاب الله
----------------------------------------------

والليبرو الفاهم هاني سعيد بيشتت من قريب ويحلق من بعيد
اسمه معروف في ايطاليا وبلجيكا
وعمل تاريخ في الاسماعيلي وبورسعيد
----------------------------------------------
وناحية اليمين الواثق أحمد فتحي
بيلعب بشهامة وبنفسه يضحي
راجل جوه الملعب أداؤه أوروبي
بينسيني همومي وعذابي وجرحي
----------------------------------------------
وناحية الشمال سيد معوض
يدافع ويهاجم ويرقص ويعرض
لو غاب عنا ماتش نتأثر
ومحدش لغيابه بيقدر يعوض
----------------------------------------------
وفي نص الملعب المكوك عبد ربه
بحزن وهو بعيد وبفرح بقربه
جوه الملعب حماسة ورجوله
وبره الملعب أخلاق وبيرضي ربه
----------------------------------------------
وجنبه رمانة الميزان محمد شوقي
لو ضاعت الكرة يقطعها ويجيبلي حقي
برجولته واداوئه كسبنا ماتشات كتيرة
وفرحنا وغنينا وقلنا يا مزيكا دقي
----------------------------------------------
حريف مهاري اسمه زيدان
تألق في الدنمارك .. وبهر الألمان
تشوفه جوه الملعب تقول الله
ومعاه منتخبنا دايما كسبان
----------------------------------------------
ونجم النجوم محمد أبو تريكه
بلعبه وأداؤه بيعزف مزيكا
بيرقص ويسجل في كل مكان
ويساند غزة وميهموش أمريكا

----------------------------------------------
ومقدرش أنسى الكابتن هيما
لاعيب جامد وعليه القيمة
موجود في كل مكان في الملعب
وبراه .. تقول ده نجم سيما----------------------------------------------
وكابتن الفريق القائد أحمد حسن
في تركيا وبلجيكا اشهر م الشاطر حسن
ده شال الكاس 3 مرات
وحطم رقم جواميني وحسام حسن
----------------------------------------------
وفي الهجوم يا عيني عليك يا زكي
قوة فان دام وشجاعة روكي
قتال وأداء وضغط على الخصوم
وبيستخدم دماغه لأنه فعلا ذكي
----------------------------------------------
وجنبه الموهوب عماد متعب
دايما بتحركاته للمدافعين بيتعب
لاعيب مهاري وجندي مجهول
وللحراس الأفارقة اسمه مرعب
----------------------------------------------
والقائد العظيم كابتن شحاتة
راجل متواضع وكله بساطة
وصلنا للكاس في غانا وحقق حلمنا
ومشيها خطوة خطوة .. وأخدها تاتا تاتا
----------------------------------------------
شفتوا روعة نجوم مصر
راحوا غانا ورجعوا بالنصر
الناس خرجت فرحانة في الشارع
وسهروا لحد تاني يوم العصر